呢排同公司拍擋有意見…佢發爛渣攤出來講都只是不到兩星期，已經按捺不住…尋日出電郵話要拆夥喇﹗男人之家又小氣又蠢又古板固執…我同你合夥姐…唔係你條o靚呀﹗聽哂你話﹖你個仔都唔得啦白痴﹗仲要我做蠢事用蠢方法，你慳D啦﹗我老公同佢講：你唔可以強姦完我仲要我同你講好舒服喎大佬﹗
叫D女仔返工send個電郵報到又唔鍾意﹗低能﹗果兩個女仔返工都唔夠一個月，仲要係深圳﹗我點知佢有冇返工呀﹖我又唔係要捉佢幾點返有冇遲到，識唔識管人架﹗要個伙計知道唔係冇王管有規有矩先得架﹗舊人就係冇王管唔聽話，走左請新人就更加要做番好啦﹗唔free﹖返工梗係唔free架啦…賣衛生巾廣告咩 
當然仲有好多歪理﹗無理取鬧﹗
一早估到實會拆夥…不過冇諗到咁快﹗有少少麻煩…十月尾要擺展覽會，而家做緊準備工夫，搞到半天吊，仲剛請左個師傅做辦﹗我個仔又仲有兩三個月就出世喇﹗所有野唔同哂我要補位喎﹗最大問題係有事要上大陸我去唔到﹗唔係返深圳玩嘛…返大陸去廠好辛苦架﹗要搵個靠得住的廠人係上面睇住…要搏吓囉 
頂到出年亞仔出左世我坐完月就唔驚你喇﹗雖然我抖左三年幾四年冇返工，但係我真係好番哂喇可以做野喇﹗呢排情緒都穩定，佢都激唔到我囉﹗其實都諗住逐步逐步做番野搵多D生意，而家要開turbo囉…
我一邊打呢篇野…亞仔就好活躍係咁跳係咁郁…你係咪撐亞媽先﹖
黎緊好多野要做要諗喇﹗不過唔駛驚…兩公婆一齊諗掂佢﹗有危先有機嘛 
